पहिले चुंबन
अधीरतेने आज गायिले, थरथरणार्या अधरद्वयाने
शृंगाराच्या मैफिलीतले, पहिले वहिले गीत मुक्याने
सर्वांगी मोहरला काटा, गात्री गात्री गोड शहारे
घुसमटलेल्या श्वासांमधुनी, सतार मनि झिनि झिनि झंकारे
अमृत गोडी अनुभवण्याचे, भाग्य प्रथम अधरांस लाभता
असुयेने हिरमुसून रसना, करी शब्द ना धरी मौनता
या ओठांना त्या ओठांचे, शब्दाविण संवाद उमगले
अर्धोन्मीलित नेत्रांमधुनी, परस्परांनी भाव वाचले
....... उल्हास भिडे (१५-९-२०१०)
Subscribe to:
Post Comments (Atom)
वा! सुंदर जमलीये कविता. शृंगारिक वाटत नाही.
ReplyDeleteकांचन आणि विक्रांत
ReplyDeleteधन्यवाद
Wow !
ReplyDeleteHow romantic, at the same time controlled expressions, very subtle.
Very nice.
shashank
Shashank,
ReplyDeleteThank you so much.
"या ओठांना त्या ओठांचे, शब्दाविण संवाद उमगले
ReplyDeleteअर्धोन्मीलित नेत्रांमधुनी, परस्परांनी भाव वाचले"
क्या बात है! अप्रतिम!!!
वीरेंद्र,
ReplyDeleteधन्यवाद !